મિત્રો, શિયાળો એટલે કે લીલી શાકભાજી ખાવાનો સમય. અત્યારે આમ જોઈએ તો દરેક પ્રકારના શાકભાજી આવતા હોય છે. જો શિયાળામાં પેટ ભરીને લીલી શાકભાજી ખાવામાં આવે તો તમારું સ્વાસ્થય ખુબ સારું રહે છે. જ્યારે શિયાળાની શાકભાજીમાં સૌથી વધુ જો શાકભાજી જોવા મળતી હોય તો, તે લીલા વટાણા છે. જેને અત્યારે ખાવામાં આવે તો તમારું સ્વાસ્થય ખુબ તંદુરસ્ત રહે છે. તો ચાલો તેના વિશે વિસ્તારથી જાણીએ આ લેખમાં.
લીલા વટાણા એક એવી શાકભાજી છે, જેને આપણે લગભગ શિયાળામાં જ જોઈએ છીએ અને તેનો વધારે પડતો ઉપયોગ પણ શિયાળા દરમિયાન થાય છે. લોકો કાચી શાકભાજી બનાવવા માટે વટાણાનો ઉપયોગ કરતાં હોય છે. પરંતુ શું તમે જાણો છો કે આ લીલા વટાણા ખાવાથી સ્વાસ્થ્યને ઘણા ફાયદા પણ થાય છે. તો ચાલો જાણીએ તેના ફાયદા. 
ડાઈજેશન સિસ્ટમ વધુ સારી થાય :
ઘણી વાર એવું સાંભળવામાં આવતું હોય છે કે, લોકોને શિયાળામાં ખોરાકનું પાચન કરવા તકલીફ પડતી હોય છે. તેથી ઘણી વાર લોકો શિયાળા દરમિયાન ખોરાકને યોગ્ય રીતે પચાવી નથી શકતા. પરંતુ વટાણા તમને આ સમસ્યાથી બચાવવામાં મદદ કરે છે. વટાણામાં ઘણાં ફાઇબર હોય છે, જે ખોરાકને પચાવવામાં ખુબ જ મદદ કરે છે અને કબજિયાતન નથી રહેતી.
આયર્નની સમસ્યામાં રાહત આપે છે :
શું તમે જાણો છો કે લીલા વટાણામાં પુષ્કળ માત્રામાં આયર્ન હોય છે. તેથી તેને આર્યન પણ માનવામાં આવે છે. લીલા વટાણા ખાવાથી આયર્નમાં ખલેલ નથી પહોંચતી. આયર્ન શરીરમાં એનર્જી લેવલ જાળવવાની સાથે સાથે તમને એનિમિયાની સમસ્યાથી પણ દૂર રાખે છે.
વજન ઘટાડવામાં સહાયક :
અત્યારે દરેક લોકોની એક જ સમસ્યા છે કે તેનું વજન દિવસે દિવસે વધી રહ્યું છે. પરંતુ લીલા વટાણા ફાઈબર અને પ્રોટીનથી ભરપુર હોય છે અને તેથી જ વટાણા લાંબા સમય સુધી પેટને ભરેલું રાખે છે, તે તમારી ભૂખ ઘટાડે છે અને વજન ઘટાડવામાં મદદ મળે છે. 
તમારું સુગર લેવલ પર નિયંત્રણ રાખે છે :
આ સિવાય લીલા વટાણામાં ગ્લાયસિમિક ઇન્ડેક્સ ઓછો હોય છે અને ડાયાબિટીસના દર્દીઓ માટે ખુબ જ હેલ્ધી ફૂડ માનવામાં આવે છે. આ ઉપરાંત વટાણામાં મળતા ફાઈબર સુગરના સ્તર ઝડપથી વધવા નથી દેતું. જે સુગરના દર્દીઓ માટે ખુબ મહત્વનું છે.
આંખો માટે લીલા વટાણા સૌથી વધુ સારા છે :
આ ઉપરાંત વટાણામાં કેરોટીનોઈડ રંગદ્રવ્ય લ્યુટિન હોય છે, જે આંખો માટે સારું માનવામાં આવે છે. વટાણાના સેવનથી આંખની સાઇટમાં પણ સુધારો થાય છે.